ابوذيات....
وحق بير الذي اليوسف حمدلا
وحق الصلة للباري وحمــــدلا
قضيتك مو طبيعيـــة حمدلا
هدل متنك عليمن شنهي القضية
* * *
سألتك على جروحك ما شفت بيك
حزين وغير حزنك ما شفت بيـــك
شفت شمات عندك ما شفت بيـك
اشتفو ربعك الطلعو راس حية
* * *
عليك شلون ما تصعب لــونك
همت والشوك والعشرة لونك
اذا ونيت من يسمع لــــونك
اذا مالك محب فوك الوطية
* * *
عنيد وهل العنادة البيك مرة
اليزعلك روحلـة وبالجذب مرة
يـمكن يعترف بالشـــوك مرة
ويكلك منك احتاجيت جية
* * *
أريــــد أزعل عليك انــــه وأجربك
هم تنساني لو شوكــــي وجر بك
تظل تبعد وأمد وصلي وأجر بيك
وهم تكطع وصل شخصك علية
* * *
مو تعليم شعر الحب تــرة الهام
وكلبي بس الك وحدك ترة الهام
لغيرك ما نطخ صدك تــرة الهام
الك وحدك فقط ناخذ تحية
* * *
أعرفك وأعرف اطباعك وأناويــاك
وكلبــــي كبل وناتك ون ويــاك
الدنية وكلبي وعيوني وأناوياك
أذن عندك بخت وحظيت بية
* * *
شسولف لك يصاحب بعد وأشراح
وعليك الكلب صــار تلاث وأشراح
لو تدري من ادية اشفلت وشراح
لجان بجيت على الي صار بية
* * *
الــــم حسراتي انا ارجع وفلهة
ومشتاكة الروحك الغالي وفلهة
عجب للخانتك تبقــــــة وفلهة
وانا الوياك ما سويت اذية
* * *
اضحك فدوة لجفونــك وعيناك
جنة بلا وعي وهســـة وعيناك
تعال ابكلبي انسبنك وأعينك
وافصلك لون تتغير علية
* * *
زمانك لو زعل وياك خلــــة
واسكت لا تبين بيك خلــــة
مو سهلة الخليل يعوف خلة
بس صعبة الكرامة تموت بية
* * *
فاض الشوك بيـــــه والمحنة
ويكون احظة بخيالك والمحنة
الم شمعات بيه والــم حنة
حزنن لأن ما مريت بية
* * *
ربع عمري الج يرخص ونصفـي
يحلوة ارجوج افهميني ونصفي
نصي غــــــارك بحبـج ونصفيه
سبع لوعات بس يبجن علية
* * *
دريتك بيــــــــــه تغدر وأعلمنك
وصيتي يفوق صيتك واعلى منك
يصـــير الخـــير باجــــر وأعلمنك
وأصفالك وارد الحــك اليــــة
* * *
وحـــق حجـة الاهك منتضركم
روحي بنار احطهة من تضركم
صار اشكــــد اتاني منتضركم
سبعة أيام ما فكرت بية
* * *
منك بس خبر واحد وردنة
بنص الكلب خضرنة وردنة
ام الخير ردنالك وردنـــــة
تجينة اتشوفنة ونكعد سوية
* * *
حبيبي الفوز انتة وانتة كاسة
دمعك نخب عمري وانتة كاسة
تــــره فراكك هزيمة وانتكاسة
اذاً غصبن عليك تفوز بية
* * *
حبيبي يادغش مني بدى لك
وصفى غير الهجر ماكو بدالك
أذا ضنك أحب واحــد بدالك
أحب روحي لأنك روح بية
* * *
حبيبي وما أحب واحد بداله
وكلبي مابدى لغيره بدى له
ألــك منصوبه بكلبي بدالـه
وعلى شريان كلبي أتصل بية
* * *
زماني ما شهد لحد شهدلي
وحرت وياك شرسلك شهدلي
واحد كال للثاني شهد لي
وشهد طارت عليكم هاي هيه