خلك ماصرت لو ما خليلي تصير وصرت خلي برضاتك جي صرت خلك
علمتك علية من الالف للياء تغلط بالاجابة وانا اعدلك
حرثت الخاطرك بروح حرث الكاع وبوسات اوورد كل عمري اشتلك
شمعة انتة بحياتي وعمري ظلمة ليل شعلت روحي وخفت ماشعلك اشعلك
خاف سنين عمرك تحترك بالشوك اضملك كمت من عمري اعزلك
وعليك تسودنت مو بس اخاف عليك وحل روحي وكضك خايف تحلك
وغمض من أشوفك واخدر على الصوت غلطة انتة بحياتي وابد مازلك
جم بليس اطرد من يوزني عليك وجم شيطان ارجمة بعمري وشتلك
ماصيرن نبي بس راهب انا وياك بايات المحبة بشوك ارتلك
وشلي بغيرك انتة والكة مثلك وين وتتعب تلكة غيري بهل تعب شلك
ياهو العلمك وتريد تمشي بعيد سل الشوك خايب باجر يسلك
مثل ضلك جنت بل خطوة نمشي ثنين ومشيت انتة بظلام وضيعت ضلك
دليني عليك سنين تايه بيك ومشي وياي ادورك خاطر اندلك
عرفني أعله شخصك رايد احجي وياك بس كلمة وبعد ماغيرها انكلك
وحدة من الاثنين او وحدة راح اختار لو كلك احبك لو احب كلك
اسال ليش احبك حتى اكلك ليش وليش شما تسوي وياي اقبلك
لحظة موت عمري سنين كلهن خوف بس وياك اامن لمن اوصلك
وانتة اخر نفس وشكد عزيز تصير وبلحضة الموت تريدنة انملك
خيط أعله الجرح بلحم صرت وياي لو كل الجروح اطيب مافلك
تعرف كلشي بية وماعرفت اشبيك لغز حلك لغز من يكدر يحلك
وشرد حتى اجيك ومدري ليش الخوف خاف تخاف مني بسدك اختلك
مثل ضلك اضل والليل يكضي الليل من تطلع شمس من طولك انزلك
الخميس أغسطس 19, 2010 4:53 pm
